BENJAMIN KOLOLLI
Hendikep i madh te Kosova, mungon ylli i ndeshjes
12 October, 2018 @13:36
Përballja e 14 tetorit për Kosovën, që zhvillohet si mysafir në Ishujt Faroe do ketë një hendikep të madh për kombëtaren kosovare.
Shënuesi i dy golave mbrëmë në përballje ndaj Maltës dhe njeriu i ndeshjes në këtë takim, Benjamin Kololli, është raportuar se do të mungojë në këtë përballje.
Arsyeja e mungesës së tij nga FFK është thënë, të jetë ripërtrirë një lëndim i mëhershëm i tij në përballjen e mbrëmshme. E tash, Kololli duhet të kthehet në Zvicër për trajtim të lëndimit.
Kështu, pas Hekuran Kryeziut që u ndëshkua me të verdhë dhe do të mungojë në përballje ndaj faroezëve, do të mungojë edhe ylli Kololli.
