JAVA XXX
E.Z / BOROZANI
4 ndeshje, vëmendja në derbin e Anamoravës
2 May, 2018 @10:49
Mesjava me Superligë!
Me fillim nga ora 16:00, sot zhvillohen 4 ndeshje të xhiros së XXX të Superligës së Kosovës në futboll.
Vëmendja kryesore padyshim që është në Gjilan, ku mes vete do të përballen Gjilani e Drita, dy rivalët e qytetit të Gjilanit, dhe si gjithnjë, ky takim pritet të sjellë numër të madh të shikuesve në stadium.
Synimet sezonale të Gjilanit kanë përfunduar, ndërsa për Dritën fitorja është e domosdoshme për luftën për titull.
Sot ndeshjen e saj e luan edhe Prishtina, e cila udhëton në Drenas për t’u përballur me Feronikelin.
Në dy takimet e tjera të ditës, Liria e pret Trepçën ‘89 në Prizren, kurse Llapi luan ndaj Drenicës në Podujevë.
