5 në listë të largimit, 2 në të ardhjes

Pas debaklit historik të pësuar në Anfield Road, Barcelona ka nisur të mendojë për renovimin e një pjese të mirë të skuadrës.

Sipas raportit të sotëm të shkruar në Mundo Deportivo, gazetë kjo e afërt me ekipin katalonas, në listën e lojtarëve të cilët do të largohen këtë verë janë futur: Philippe Coutinho, Ivan Rakitic, Jordi Alba, Luis Suarez dhe Sergi Busquets.

Ndërsa në listën e lojtarëve që blaugranat do t’i kenë në radar gjatë verës janë shënuar: Antoine Griezmann dhe Matthijs de Ligt.

Gjithashtu, është bërë e ditur se e ardhmja e trajnerit të ekipit Ernesto Valverde është pranë këputjes me katalonasit, pas debaklit nga Liverpooli, që shihet si arsye e mjaftueshme për të marrë vendim për ndërrimin e shefit të shtabit teknik te Barcelona.