Afrohet te Liverpooli

Sipas raporteve të fundit nga mediat britanike dhe ato italiane, Mario Balotelli, është duke i diskutuar detajet e kontratës me drejtuesit e Liverpoolit, para se të nënshkruajë për klubin e tij të ri. 

Kjo, pasi që dje Milan ka pranuar ofertën 16 milionë funtëshe nga Liverpool, për transferimin e italianit problematik. 

Mediat italiane, por edhe faqja zyrtare e Rossonerëve ka raportuar dje se Balotelli u ka thënë lamtumirë bashkëlojtarëve dhe zyrtarëve tjerë në Milanello, duke dalë nga aty përfundimisht rreth orës 13:30. 

BBC shkruan se Liverpool kërkon klauzolë speciale për sjelljet e Balotellit brenda dhe jashtë fushe, derisa në anën tjetër opinioni i adhuruesve të ekipit mbetet i ndarë në dysh për shkak të jostabilitetit të italianit 24 vjeçar. 

Mirëpo, Balotelli është treguar si sulmues i klasit të lartë. Ai përkundër të gjithave që fliten për atë, ka arritur të shënojë 14 gola për Milanin në stinorin e kaluar të Serie A, derisa ka shënuar golin vendimtar të Italisë në fitoren e tyre në Botëror ndaj Anglisë.

Sulmuesi i lindur në Palermo, në stinorin 2010/11 kishte kaluar nga Inter te Manchester City për 29.5 milionë euro, derisa në janar të vitit 2013 kaloi për 20 milionë euro në Milan. 

Në stinorin e kaluar ai ka shënuar më së shumti gola në karrierën e tij në një ligë - 14.