Lista zbardhet më 4 shtator

Ndeshja e Kosovës me Omanin do të luhet definitivisht në Prishtinë. Këtë e ka konfirmuar selektori i përfaqësueses së Kosovës, Albert Bunjaki, në një njoftim të tijin në Facebook. 

Bunjaki gjithashtu ka bërë të ditur se lista e lojtarëve të ftuar për tu përballë me Omanin do të publikohet më 4 shtator, tre ditë para ndeshjes, në një konferencë për shtyp që do të mbahet në Hotel Emerald. 

Kështu, Prishtina do të jetë për herë të parë nikoqire e ndeshjes së Kosovës në histori të saj, pasi që dy ndeshjet e kaluara të zhvilluara si vendas, përfaqësuesja i luajti në Adem Jashari të Mitrovicës.