Podolski po, Campbell jo!

Pas largimit të Didier Drogbas për te Chelsea, Galatasaray ka mbetur pa një sulmues të famshëm. 

Kështu, nënkampioni aktual i Turqisë ka filluar të hulumtojë tregun dhe me trajnerin e ri, Cesare Prandelli, kanë rënë në ujdi për të marrë dyshen e Arsenalit, Lukas Podolski dhe Joel Campbell. 

Mirëpo, sipas raporteve të të përditshmes The Sun sot, Arsenal u ka thënë turqve se ata mund ta kenë vetëm sulmuesin gjerman, por jo edhe atë kostarikan. 

Gjermanja Bild, ka shkruar se Podolski shkon në Turqi, derisa edhe The Mirror ka bërë të ditur se Arsenal kërkon 14 milionë funta nga ekipi turk për kampionin e Botës, 29 vjeçarin Podolski. 

Galatasaray kishte ofruar 22 milionë funta për dyshen Campbell-Podolski.