Suarez shkoi, kush po vjen?!

Liverpool, që lëshoi kampionatin nga duart stinorin e kaluar është duke pritur momentin për të bërë edhe një goditje në afatin kalimtar veror. 

Pas transferimeve të shumta në këtë afat, ekipi i Brendan Rodgers është duke kërkuar edhe një sulmues të klasit të lartë, të njohur, për të përfunduar pazarin veror. 

Deri më tani, sipas BBC Sport, Samuel Eto’o, Radamel Falcao dhe Mario Balotelli - shihen si opcione potenciale që do të mund të përfundojë në Anfield Road, por gjithsesi këto mund të jenë goditjet e minutave të fundit të afatit kalimtar, pasi që po bisedohet në të gjitha anët. 

Liverpool që në xhiron e parë të Premier League 2014/15 mposhti Southamptonin 2-1 me golat e Raheem Sterling dhe Daniel Sturridge. 

Të kuqtë deri më tani kanë transferuar Adam Lallana, Rickie Lambert, Emre Can,  Dejan Lovren dhe Lazar Markovic. Por, mungesa e një lojtari si Suarez në sulm, që shkoi te Barcelona - i bën ata të kërkojnë ende. 

Afati kalimtar veror përfundon me fillimin e muajit shtator.