KTHEHET MBROJTËSI
Ahmet Haliti kthehet nga lëndimi, i gatshëm për nesër
20 February, 2021 @18:12
Futbollisti i Llapit, Ahmet Haliti, është rikthyer nga lëndimi që e mbajti atë jashtë fushave të gjelbëra përgjatë pjesës vjeshtore të stinorit në Superligë.
KF Llapi ka bërë të ditur para pak çastesh se qendërmbrojtësi me përvojë i ekipit do të jetë i gatshëm për të qenë nën urdhërat e trajnerit Tahir Batatina që nesër.
E Llapi nesër pret Gjilanin në Zahir Pajaziti me fillim prej orës 13:00 për ndeshjen e parë si vendas në stinorin pranveror duke kërkuar fitoren e parë të pjesës së dytë të kampionatit.
Llapi u mposht nga Drita në xhiron e kaluar 1-0. Gjilani, gjithashtu do të kërkojë fitoren e parë pas rinisjes së kampionatit me Bylbyl Sokolin, pasi që barazuan 1-1 me Feronikelin në përballjen e javës së kaluar.