Ambrosini në Firencë

Mesfushori me përvojë, Massimo Ambrosini, brenda javës do të zyrtarizohet te klubi i tij i ri, Fiorentina. Pas 18 viteve të kaluara me Milanin, Ambrosini, i cili përflitej për një kalim të mundshëm edhe në West Ham United, ka vendosur që të mbetet në Itali dhe të shkojë për Firencë, ka njoftuar sot agjenti i tij, Moreno Roggi. 

“Jemi në fazën finale të marrëveshjes dhe besoj që javën tjetër Ambrosini do të jetë i Fiorentinës,” ka thënë ai për mediat italiane. 

Fiorentina para Ambrosinit 36 vjeçar, ka nënshkruar edhe me Joaquin, Yakovenko, Marcos dhe Munua, si përforcime për stinorin e ri.