Angazhimi dhe disiplina taktike na sollën fitoren

Shpëtim Idrizi, trajner i Trepçës’89 pas fitores ndaj Llapit duke folur për mikrofonin e kanalit transmetues të ndeshjes ka thënë se kjo fitore u takon plotësisht futbollsitëve të tij.

“Ndeshjet mund të kryhen edhe me 1-0. Kemi shënuar gol, pastaj jemi treguar të kujdesshëm dhe me kundërsulme tentuam ta mbyllim ndeshjen. I përgëzoj shumë futbollistët e skuadrës, për angazhimin dhe disiplinën taktike të treguar. Kjo fitore u takon plotësisht atyre,” ka thënë Idrizi.

Trepça’89 është duke treguar lojëra jashtëzakonisht të mençura në xhirot e para të stinorit pranveror të Superligës.

Mitrovicasit pasi nisën pranverën me barazim ndaj Arbërisë, tashmë kanë shënuar edhe fitoren e dytë radhazi dhe atë duke mposhtur ekipet shumë më të fuqishme në letër sesa ata.