NË FERIZAJ
Arifaj hat-trick, Drenica fiton në Ferizaj
25 September, 2016 @16:49
Sulmuesi i Drenicës, Granit Arifaj ka qenë i pandalshëm sot në Ferizaj, duke shënuar tre herë në pjesë të parë të ndeshjes për të siguruar fitoren e ekipit të tij, 2-3 ndaj Ferizajit vendas.
Drenica është treguar e pafalshme në sulm, duke i falenderuar Arifajt, që është treguar i saktë thuajse në çdo rast të tijin.
Ferizaji në fillim të pjesës së dytë ka tentuar për të bërë më shumë dhe ka nisur shpejtë me golin e Bujar Shabanit për 2-3, por kjo ka qenë e tëra në “Ismet Shabani”.
Drenica shënon fitoren e tretë të stinorit, ndërsa Ferizaji regjistroi humbjen e pestë të stinorit.
