Arsenal ndjek Llorenten

Portali futbollistik Goal ka mësuar nëpërmjet agjentëve se Arsenal është duke e konsideruar përforcimin e sulmit për pjesën e dytë të kampionatit. 

Topçinjtë janë duke e kërkuar një sulmues të dëshmuar si Fernando Llorente për të mbuluar në rast nevoje sulmuesin në formë të Francës, Olivier Giroud. 

Për më tepër, ata si opcion kanë lënë të hapur edhe blerjen e sulmuesit të lënduar të Milanit, Stephan El Shaarawy. Mirëpo Goal gjithashtu ka mësuar se Milan do ta konsideronte shitjen e ‘Faraonit’ vetëm në qoftë se nuk arrin pranverën europiane në Ligë të Kampionëve. 

Për më tepër, Llorente nëse vjen në Arsenal, do të vinte si huazim.