Gjendja e Romës, Milanit dhe Juventusit

Përzgjedhësi aktual i Rusisë, Fabio Capello, ka qenë temë e mediave italiane sot pas përgjigjeve të dhëna për ish ekipet e tij në Serie A. 

Në një bisedë të djeshme për radion Anch’io lo Sport, Capello i cili më parë ka qenë kryetrajner i Juventusit, Milanit dhe Romës, ka treguar gjendjen aktuale të ekipeve në këtë stinor. 

“Roma mund të fitojë Scudetton. Meritat i shkojnë trajnerit Rudi Garcia, si dhe faktit që nuk janë duke marrë pjesë në gara europiane. Daniele De Rossi ka qëndruar në ekip, që është njëri ndër elementet kryesore të grupit, ndërsa edhe Francesco Totti ende mund të bëj dallimin përkundër moshës,” ka thënë Capello për lideren aktuale të Serie A-së. 

Sa i përket Milanit, Capello ka treguar se Silvio Bersluconi është shumë i zënë me politikë, derisa Adriano Galliani kryen punët mirë. Mirëpo, ia ka thënë se nuk mund të humbet një lojtar si Andrea Pirlo nga një ekip si Milan. 

“Ka stinorë kur mund të bëhen transfere jo të duhura, ndërsa krejt kritikat i merr trajneri. Ky është viti i tillë për Milanin dhe po i referohem Andrea Pirlos. Ju nuk mund të humbisni një lojtar si Pirlo pa dëmshpërblim të mirë,” ka qenë mendimi i Capellos për ‘rossonerët’ dhe gjendjen e vështirë të cilën janë duke e kaluar ata këtë stinor. 

E sa i përket Juventusit, Capello ka lëvduar trajnerin Antonio Conte duke thënë se ka brum më të mirë sesa që ka pasur ai në kohën e tij. 

“Juventus ka investuar në treg. Ata kanë Carlos Tevezin që mund të bëj dallimin në çdo lojë. Besoj se ky Juventus është më i uritur se ai i imi dhe do të kalojnë grupet e Ligës së Kampionëve,” ka përfunduar tash përzgjedhësi i Rusisë, që ka siguruar plasman të drejtëpërdrejtë në KB Brazili 2014 me përfaqësuesen ruse. 

Juventus do të takohet me edhe një ish ekip të Capellos nesër. Ndeshjen e parë ‘bianconerët’ e kishin humbur nga Real Madridi në Santiago Bernabeu, ndërsa kërkojnë fitoren e parë në grup nesër.