ARSENAL - CHELSEA
Foto: premierleague.com
Arsenal rindez luftën për katërshe
19 January, 2019 @21:10
Me fitoren e madhe të Arsenalit sot ndaj Chelseat, lufta për të zënë vend në katërshen kryesore të Premier Ligës është rindezur tërësisht.
Alex Lacazette dhe Laurent Koscielny shënuan për topçinjtë në pjesë të parë, për përfundimtaren 2-0, ndërsa klasifikimi në Premier Ligë me Tottenhamin e tretë në renditje dhe Manchester Unitedin e gjashtë në klasifikim - ndahet me katër pikë!
Chelsea mbetet në kërkim të sulmuesit patjetër, ose derisa të bindet Juventusi për të liruar Gonzalo Higuainin, pasi që Eden Hazard sot si nëntëshe mashtruese nuk merrte top, derisa u fut në lojë Olivier Giroud, e Hazard u kthye pak më prapa për të marrë top.
