Arsenali, pa problem ndaj Coventry City

Arsenal ka vazhduar me formë të mirë edhe në ndeshje të FA Cup të zhvilluar sonte ndaj Coventry Cityt në Emirates. 

Djelmoshat e Arsene Wengerit kanë qenë shumë të fortë për kundërshtarin e ligës së tretë, Coventry City, të cilët i mposhtën me rezultat 4-0. 

Wenger ka futur në lojë një ekip të përzier larg Arsenalit standard, derisa rikthimi i Nicklas Bendtnerit ka trimëruar skuadrën. Danezi luajti lojën e parë të tij prej se u lëndua, duke qenë në fushë për 70 minuta. 

Gjermani Lukas Podolski shënoi dy herë në pjesë të parë, për të hequr dilemat e fituesit, derisa Olivier Giroud dhe Santi Cazorla në 5 minutëshin e fundit mbyllën gjithçka në Emirates. 

Ndeshja ka qenë e vlefshme për raundin e katërt të Kupës së Anglisë.