SHQIPËRIA
Në vazon e pestë për EURO 2016
24 January, 2014 @21:02
53 shtete anëembanë Europës do të kërkojnë 23 vendet e lira për të shkuar në Francë për Kampionatin Europian të radhës EURO 2016.
Shtëpia europiane e futbollit, UEFA, sot ka bërë të ditura vazot kualifikuese prej ku do të krijohen grupet kualifikuese për të ‘luftuar’ për një vend në Francë.
Shqipëria ka zënë vend në vazon e pestë derisa kundërshtarët e grupit do t’i mësojë më 23 shkurt kur do të tërhiqet shorti.
Dy vendet e para nga çdo grup sigurojnë biletën për Francë, derisa të tretat do të kërkojnë atë përmes barazhit. Ky do të jetë europiani i parë që do të pranojë 24 reprezentacione në garë.
VAZOT, para shortit për EURO 2016:
| 1 | Spanja, Gjermania, Holanda, Italia, Anglia, Portugalia, Greqia, Rusia dhe Bosnja e Hercegovina | |||
| 2 | Ukraina, Kroacia, Suedia, Danimarka, Zvicra, Belgjika, Çekia, Hungaria dhe Irlanda | |||
| 3 | Serbia, Turqia, Izraeli, Sllovenia, Norvegjia, Sllovakia, Rumania, Austria dhe Polonia | |||
| 4 | Mali i Zi, Armenia, Skocia, Finlanda, Letonia, Uellsi, Bullgaria, Estonia dhe Bellorusia | |||
| 5 | Islanda, Irlanda Veriore, Shqipëria, Lituania, Molldavia, Maqedonia, Azerbejxhani, Gjeorgjia dhe Qiproja | |||
| 6 | Luksemburgu, Kazakistani, Lihtenshtajni, Ishujt Faroe, Malta, Andorra, San Marino dhe Gjibraltari |
