Derbi i shqiptarëve, i takon Shaqirit

Bayern Munchen ka vazhduar me fitore edhe në ndeshjen e parë të vitit 2014 në Bundesligë. Djelmoshat e Pep Guardiolës kanë shënuar fitore ndaj Borussia Monchengladbachut 2-0 si mysafir sonte, në derbin e shqiptarëve. 

Xherdan Shaqiri dhe Granit Xhaka ia nisën ndeshjes nga fillimi për ekipet e tyre, në derbin e vjetër gjerman ndërmjet Borussias dhe Bayernit. 

Mirëpo, Bayerni i Shaqirit që është në formë të jashtëzakonshme nga viti i kaluar, ka qenë i pandalshëm edhe sonte. Ata kanë kaluar shpejtë në epërsi me anë të golit të Mario Gotzes, derisa në pjesën e dytë kanë vulosur fitoren me golin e Tomas Mullerit të shënuar nga penalltia. 

Bayern vazhdon të mbetet i pamposhtur në Bundesligë këtë stinor, duke krijuar distancë 10 pikëshe nga vendi i dytë, Bayer Leverkusen. 

Rezultatet dhe tabela aktuale.