Arsenali problematik!

Humbja e Arsenalit ndaj Manchester Cityt është përcjellë edhe me disa incidente gjatë dhe pas ndeshjes. 

Së pari, Jack Wilshere është zënë nga fotoaparatet dhe kamerat duke i treguar gishtin e mesëm publikut vendas gjatë rezultatit 4-2 në të mirë të Manchester Cityt sot. 

Për një gjest të tillë si të Wilshereit, Luis Suarez, më parë kishte marrë suspendim prej një ndeshjeje moslojë dhe tani pritet që një gjë e tillë t’i ndodhë edhe atij. 

Ndërsa në fund të ndeshjes kur i gjithë ekipi i Arsenalit ka shkuar për të përshëndetur londinezët e ardhur në ndeshje, e Mesut Ozil nuk kishte qenë pjesë e tyre, mbrojtësi gjerman, Per Mertesacker, i Arsenalit ka kritikuar ashpër bashkëkombasin e tij duke dalë nga stadiumi. 

Arsenali sot ka shënuar disfatën e tretë në Premier League, derisa distanca e tyre me Manchester Cityn në krye të tabelës është ngushtuar në 3 pikë.