BERGAMO
Atalanta në karantinë, pasi lojtari i Valencias del pozitiv
15 March, 2020 @21:25
Skuadra e Atalantës që arriti sukses historik duke e eliminuar Valencian nga Liga e Kampionëve dhe siguroi çerekfinalen e garës, është futur në karantinë.
Edhe pse skuadra është në vatrën e pandemisë së coronavirusit Atalanta nuk ka të infektuar, por shkaku i paraqitjes së rasteve pozitive te skuadra e Valencias, ekipi ka marrë masat.
Te Valencia janë regjistruar pesë raste të coronavirusit, prej të cilëve tre futbollistë, Ezequiel Garay, Eliaquim Mangala dhe Jose Gaya - e ky i fundit ka qenë pjesë e ekipit në lojë ndaj Atalantas.
Kujtojmë te Atalanta në këtë ndeshje përgjatë 90min ka luajtur edhe reprezentuesi i Shqipërisë, Berat Xhimshiti.
