Atletico përballë Realit

Mbrojtësi i titullit të Kupës së Mbretit të Spanjës, Atletico Madrid ka arritur të mposht edhe në ndeshjen e dytë Athletic Bilbaon për të dalë në gjysmëfinale. 

Aritz Aduriz i kishte dhënë shpresa baskëve për gjysmëfinale kur barazoi përballjen duke shënuar për 1-0 në të mirë të Bilbaos (ndeshja e parë 1-0 për Atletico Madridin). 

Mirëpo, në pjesën e dytë rojiblancot nëpërmjet Raul Garcias shuan shpresat e baskëve duke barazuar rezultatin 1-1, ndërsa krejt në fund Diego Costa, në një kundërsulm u gjet i vetëm përballë portierit bask për të shënuar për fitore. 

Me rezultat të përgjithshëm 3-1 nga dy ndeshje, Atletico Madrid ka vazhduar rrugën drejt mbrojtjes së trofeut të Kupës, derisa në gjysmëfinale do të ndeshen me Real Madridin, që e kishin mposhtur në finalen e stinorit të kaluar.