Bordeaux siguron ish sulmuesin e PSG

Skuadra e Bordeaux ka përforcuar sulmin për stinorin pranveror 2013/14 me sulmuesin françez, Guillaume Hoarau. 

Hoarau, që kishte lënë Paris St Germainin në fillim të vitit të kaluar, 2013, pasi që Zlatan Ibrahimovic ishte i pazëvendësueshëm në ekip, luajti tërë vitin e kaluar në Kinë me skuadrën e Dalian Aerbin. 

Trajneri i Bordeaux-së Francis Gillot, që ka bërë punë të mirë me ekipin e tij përkundër rivalëve të stërpasur, ka shfrytëzuar ditët e fundit të afatit kalimtar për të rrëmbyer sulmuesin shtatëgjatë 29 vjeçar. 

Bordeaux aktualisht është në pozitën e gjashtë të Ligue 1 dhe po lufton për të siguruar dalje europiane për stinorin tjetër.