Bale blehet me rekord botëror

Krahu 23 vjeçar i Tottenhamit, Gareth Bale, është vlerësuar mbi 100 milionë euro. Kreu i klubit nga Londra, Daniel Levy, ka thënë se nëse dikush dëshiron që ta blejë uellsianin duhet të thyejë rekordin botëror. 

Levy e din se Bale do të kërkojë një ekip të madh ku do të mund të fitojë trofe. Për këtë arsye ai dëshiron të fitojë mirë e mirë prej lojtarit të tij, që aktualisht llogaritet ndër krah mesfushorët më të mirë në botë, ndërsa është në formë të jashtëzakonshme. 

Shitja ose jo e Bale-it, në këtë verë, krejt varet nga kualifikimi ose jo i Tottenham Hotspurs në Ligë të Kampionëve. Për Bale janë të interesuar shumë ekipe, ndër kryesoret janë Bayern Munchen, Real Madrid dhe Paris St Germain.