Barazim në San Siro

Roma ka vazhduar serinë e saj të pamposhtshmërisë në Serie A. Romakët sonte kanë qenë dy herë në epërsi dhe shumë afër fitores ndaj Milanit në San Siro, por Milan është treguar i rrezikshëm në kundërsulme. 

Mattia Destro u dha epërsinë romakëve në minutën e 13-të të ndeshjes, para se mbrojtësi kolumbian i Milanit, Cristian Zapata të barazojë në 1-1 në minutën e 30-të. 

Në pjesën e dytë Roma kaloi në epërsi pas penalltisë së shënuar nga holandezi i talentuar Kevin Strootman (52’), derisa ganezi Sulley Muntari barazoi pas një kundërsulmi të shpejtë rossoner. 

Francesco Totti iu kthye ekipit pas muajsh mungesë, derisa në fund Mario Balotelli ka dështuar nga një rast ideal t’ia sjellë fitoren Milanit, sikurse edhe Yao Gervinho për Romën e Daniele De Rossi. 

Roma me këtë barazim mbetet 5 pikë larg Juventusit kryesues, derisa Milan përfundon në xhiron në vendin e dhjetë të tabelës me 19 pikë të tubuara. 

Rezultatet dhe tabela aktuale.