Barça barazon pamposhtshmërinë rekorde të elitës

Lionel Messi ka shënuar hat-trick, derisa Barcelona ka barazuar rekordin e pamposhtshmërisë në La Liga prej 38 ndeshjeve me fitore 3-1 ndaj Leganesit sonte.

Messi ia nisi serinë e golave nga gjuajtja e lirë, para se të pranojë një pasim nga Philippe Coutinho për 2-0. E pasi që Nabil el Zhar uli epërsinë në 2-1, Messi shënoi pas pasimit të Ousmane Dembeles për të shënuar hat-trickun e 45-të në karrierë të tij.

TABELA AKTUALE E LA LIGAS

Barcelona tash është vetëm shtatë ndeshje para fundit të stinorit dhe do të shkruante historinë nëse përveç ndeshjes së ardhshme, përfundon stinorin pa humbje.

Katalonasit kanë barazuar rekordin e 38 ndeshjeve pa humbje përgjatë stinorëve 1978-79 dhe 1979-80 të Real Sociedadit dhe tash përveç kësaj kërkojnë të bëhen të parët në histori të futbollit spanjoll, të La Ligas, që përfundojnë stinorin pa humbje në elitën spanjolle.