KEK-DUKAGJINI
Foto: KF KEK/fb
Maksuti e Sahiti, bombardojnë për fitore
7 April, 2018 @16:15
Skuadra e KEK-ut që xhiron e kaluar pësoi humbje nga Ferizaji si mysafir, i është kthyer golave dhe fitores shpejt.
Ekipi nga Obiliqi ka mposhtur thellë Dukagjinin e Klinës sot, 5-1, për të ngritur avantazhin në krye të klasifikimit, pasi që në përballjen tjetër të ditës, Vushtrria u ndal nga Fushë Kosova, 0-0.
Miran Maksuti shënoi hat-trick në fitoren e elektricistëve, ndërsa kapiteni Visar Sahiti shtoi edhe dy të tjera për fitoren e lartë.
Në xhiron që vjen, KEK-u pritet të ketë punë të lehtë ndaj 2 Korrikut, derisa Dukagjini pret Kikën në Klinë.
