Barça mposht Parisin, zyrtarizon mesfushorin

Frenkie De Jong është zyrtarisht lojtar i Barcelonës!

Skuadra katalunase e ka fituar garën ndaj PSG-së për shërbimet e holandezit dhe e ka zyrtarizuar transferimin e mesfushorit pak minuta më parë.

De Jong te kampioni spanjoll do të kalojë për 75 milionë euro (+11 milionë të tjera shtesë në të ardhmen), ndërsa kontrata e nënshkruar nga lojtari dhe klubi është 5-vjeçare.

Mesfushori në fjalë shihet si një talent mjaft premtues dhe për shërbimet e tij ishin të interesuara shumë skuadra, mirëpo në fund fituese doli Barcelona, e cila rivalin më të ‘fortë’ në këtë garë e kishte PSG-në, që po kërkonte ‘zgjidhje’ të menjëhershme pas lëndimit të Verratit.