GRUPI F
Barcelona siguron, Inter e Dortmund vendosen në xhiron e fundit
27 November, 2019 @23:00
Me një fitore komode ndaj Borussia Dortmundit sonte në Camp Nou, Barcelona ka siguruar kalimin në fazën e së tetës së finales së Ligës së Kampionëve.
Luis Suarez, Lionel Messi dhe Antoine Griezmann kanë shënuar për fitoren e Barcelonës 3-1 sonte, derisa golin e vetëm për mysafirët e shënoi anglezi, Jadon Sancho.
Messi, shënoi dy asistime sonte, ndërsa u bë lojtari i parë që arrin t’i shënojë 34 ekipeve të ndryshme në Ligë të Kampionëve në histori, së paku nga një gol.
Në duelin tjetër të Grupit F, Inter doli fitues ndaj Slavias në Prag 1-3 dhe kështu barazoi pikët me Dortmundin, nga 7.
Në xhiron e fundit të Grupit F takohen: Dortmund - Slavia dhe Inter - Barcelona.
TABELA AKTUALE:
1. Barcelona 11p.
2. Inter 7p.
3. Dortmund 7p.
4. Slavia 2p.
