Bayern hap Bundesligën sonte

Puna e Pep Guardiolas, pas fillimit të mirë në Kupën e Gjermanisë, tash do t’ia nis edhe në Bundesligë. 

Sot fillon stinori i ri i Bundesligës, 2013/14, ndërsa bavarezët misionin e mbrojtjes së titullit ia nisin ndaj skuadrës ku luan shqiptari Granit Xhaka, Borussia Monchengladbach. 

Pritet të shihet se a do t’ia nis Xherdan Shaqiri që nga fillimi ndeshjen ndaj ish bashkëlojtarit të tij në Basel, Xhakës. 

Ndërsa, sa i përket favorizimeve nga bastoret botërore, të cekim se Bayern është vendosur si favorit ultra-absolut me koeficient 1.12 për fitore, ndërsa Borussia e Monchengladbachut e ka 15.00. 

Nënkampioni Borussia Dortmund do të udhëtojë në Augsburg, nesër. Kurse ndeshje më interesante e xhiros së parë të Bundesligës për këtë stinor pritet të jetë: Schalke-Hamburger që luhet të dielën. 

Karakteristikë është se me kthimin e Herthas në Bundesligë, kryeqyteti gjerman Berlin, përsëri ka fituar një përfaqësues në Bundesligë, pas viteve me mungesë. 

BUNDESLIGA, Sonte