Bayerni dhe dy duele direkte për Werderin e Rashicën

Pas fitores së thellë dje ndaj Paderbornit, Werder Bremen i Milot Rashicës ende mund të thuhet se ka fatin në dorë të vetë për shpëtim të stinorit në Bundesligë.

Përkundër se Milot Rashica dështoi të shënonte nga penalltia pranë rezultatit 0-0, shpejt Werderi u këndell dhe në fund rezultati për fundosjen e Paderbornit ishte 1-5 [Sabiri 66 - Klaassen 20, 39, Osako 34, Eggestein 59, Fullkrug 90].

Deri në fund të stinorit në Bundesligë kanë mbetur edhe tri xhiro, ndërsa Werder është baraz me pikë me Fortunën e Dusseldorfit, që është në pozitë të PlayOutit (mundësi shpëtimi në dyluftim me ekipin e tretë në renditje nga Bundesliga2).

TABELA AKTUALE

Kjo ka qenë ndeshja e parë e plotë e Rashicës prej se u kthye nga lëndimi, i cili ka qenë edhe i zëvendësuari i parëi i i trajnerit Florian Kohfeldt, duke dalë nga loja në minutën e 59 të takimit.

Tri ndeshjet e ardhshme të ëerderit, që janë jetike, përbëhen nga një duel kolosal dhe dy direkte për shpëtim.

Kështu, të martën që vjen Werder pret Bayernin (16.06, 20:30), i shkon Mainzit (20.06, 15:30) dhe fundi i stinorit më 27 qershor 2020 ndaj Kölnit në shtëpi (15:30).