Belgët s’kanë frikë nga Argjentina

Mbrojtësi belg, Jan Vertonghen, një ditë para ndeshjes çerekfinale të Botërorit, Argjentina - Belgjika, ka thënë se ekipi i tyre nuk i frikësohet kundërshtarit. 

“Jemi ekip që ia vështirëson punët çdo kundërshtari. Thjesht, nuk frikësohemi,” ka thënë bashkëlojtari i Adnan Januzajt në reprezentacionin belg, Vertonghen. 

“Ne jemi të bashkuar. Nëse Lionel Messi e kalon njërin prej nesh, atëherë vjen lojtari i dytë, lojtari i tretë, që do ta ndalë atë,” ka shtuar ai. 

Belgjika ashtu si Argjentina ka dalë me pikë të plota nga grupi, 9. Ndërsa në të tetën e finales njëjtë sikurse Argjentina, ka triumfuar pas vazhdimeve.