Berisha, portieri më i mirë i javës

Etrit Berisha po e shfrytëzon në maksimum mungesën e portierit të parë të Lazios, Federico Marchetti, i cili mungoi në ndeshjen e fundit për shkak të kartonit të kuq në javën e kaluar.

Etriti i cili në këtë javë ishte në portën e ekipit romak në përballje me Udinesen, u tregua i pamposhtur gjatë 90 minutave, derisa kjo paraqitje e tij e mirë e bëri atë të përfshihet në formacionin më të mirë të javës në Serie A, nga faqja Goal.com.

Gardiani kuqezi është i vetmi lojtar i përfshirë në 11-shen më të mirë nga skuadra e tij, derisa vetëm nga Cesena dhe Parma janë përfshirë më shumë se një lojtar në formacionin më të mirë të javës.

Berisha deri më tash ka regjistruar 7 paraqitje në Serie A.