BB7
Berisha siguron playoff-in
28 March, 2013 @16:21
Kampioni aktual i Australisë, Brisbane Roar, në të cilën skuadër luan edhe sulmuesi shqiptar, Besart Berisha, ka siguruar kualifikimin në fazën finale të kampionatit australian pas fitores së fundit ndaj skuadrës Sydney me rezultat 3-1.
Kosovari ishte realizatori i golit të parë duke e ngritur në epërsi skuadrën e tij në minutën e 30’, ndërsa më pas shënuan edhe Lustica (51’) dhe Franjic (79’).
Goli i vetëm për humbësit e shënoi futbollisti i mirënjohur italian, Alessandro Del Piero, i cili realizoi nga penalltia në minutën 84’.
Berisha dhe Del Piero po ashtu janë edhe në luftë për t’u shpallur golashënuesi më i mirë në Australi, pasi që të dy e kanë përmbyllur stinorin e rregullt me nga 14 gola të shënuara.
