Besiktas më i mirë se Liverpooli

Skuadra bardhezi nga Stambolli, Besiktas, ka eliminuar Liverpoolin nga Europa League, pas ekzekutimit të penalltive, 5-4. 

Ekipi turk i udhëhequr nga kroati, Slaven Bilic, ka arritur të eliminojë ekipin e Brendan Rodgersit për të vazhduar rrugën europiane, si ekipi i vetëm turk në pranverën europiane. 

Për 90 minuta lojë, Besiktasi, ka qenë dukshëm më i mirë se Liverpooli. Turqit arritën të shënojnë golin e shumëkërkuar për të neutralizuar epërsinë e anglezëve nga ndeshja e parë. 

Pasi përfunduan 90 minuta me rezultat identik si në Liverpool, filluan vazhdimet, por as ato nuk dhanë ndryshim, e pastaj gjithçka u vendos pas penalltive.