Bie nga testet mjekësore

Portieri i deridjeshëm i Barcelonës, që aktualisht është pa kontratë, Victor Valdes, nuk ka arritur të kalojë testet mjekësore te nënkampioni i Francës, Monaco. 

Valdes që pësoi lëndim në mars duke luajtur për katalonasit, tashmë nuk do të nënshkruajë kontratë me klubin françez. 

Tashmë Valdes 32 vjeç i mbetur si lojtar i lirë do të mundohet të bind ndonjë ekip tjetër për t’i siguruar shërbimet e tij, përkundër përvojës së madhe me Barcelonën. 

E Barcelona, ka trasnferuar dy portierë në vend të Valdesit, që nuk deshi të rinovojë kontratë me Blaugranat stinorin që shkoi. 

Marc-Andre Ter Stegen nga Borussia Monchengladbach dhe Claudio Bravo nga Real Sociedad - janë gardianët që do të luftojnë për tu bërë njëshi i katalonasve në stinorin e ri.