LIGA E KAMPIONËVE
REUTERS
Bilbao feston, eliminon Napolin
27 August, 2014 @23:05
Napoli do të mbetet pa Ligë të Kampionëve këtë stinor. Ekipi i Rafa Benitezit që me shumë dëshirë kërkonte Ligën e Kampionëve, nuk ka arritur të kalojë pengesën baske, Athletic Bilbao.
Kjo pasi që Aritz Aduriz ka qenë në formë të jashtëzakonshme sonte duke shënuar dy herë për ekipin e tij në fitoren përfundimtare prej 3-1.
Për më tepër, Napoli morri epërsinë në fillim duke shënuar nëpërmjet ikonës së klubit, Marek Hamsik për 0-1. Dhe, kur gjithçka dukej se po shkonte mirë për napolitanët, baskët u zgjuan nga gjumi dhe i shkatërruan tërësisht duke i eliminuar në fund.
Ndeshja e parë në San Paolo të Napolit kishte përfunduar 1-1 dhe me rezultat të përgjithshëm 4-2, Athletic Bilbao i udhëhequr nga Ernesto Valverde kalon në fazën grupore të garës.
Skuadrat e kualifikuara:
| Skuadrat e kualifikuara në Ligë të Kampionëve nga Play-Offi: Malmo SUE, Ludogorets BUL, Arsenal ANG, Bayer GJER, Athletic SPA, Zenit RUS, Apoel QIP, Bate BLR, Porto POR, Maribor SLN |
