Breshëri golash në Camp Nou

Kampionja e Spanjës, Barcelona, ka filluar stinorin me trajnerin e ri Tata Martino në mënyrën më të mirë të mundshme. 

Katalonasit kanë shkatërruar mysafirët nga Levante duke i shënuar gjashtë gola vetëm në pjesën e parë të ndeshjes dhe një tjetër në pjesën e dytë sa për të përcaktuar rezultatin përfundimtar prej 7-0. 

Alexis Sanchez ka hapur serinë e golave për Barcelonën në nisje të epokës me Tata Martinon në krye, ndërsa Lionel Messi dhe Pedro Rodriguez kanë shënuar nga dy herë tjera. 

Transferi i ri i blaugranave, Neymar, ka debutuar në La Liga nga minuta e 64-të e ndeshjes kur u fut në vend të Alexis Sanchezit, por nuk ka arritur të regjistrohet në listën e golashënuesve të ndeshjes.