Breshëri golash për 12 minuta, Koeman me trofeun e parë

Barcelona është fituese e Kupës së Mbretit në Spanjë, pasi që mposhti në finale të garës Athletic Bilbaon 0-4 [Griezmann 60, De Jong 63, Messi 68, 72].

Të gjitha golat erdhën prej minutës së 60 deri në 72 të lojës, derisa një tjetër iu anulua nga VAR Antoine Griezmannit për shkak të pozitës jashtë loje.

Athletic Bilbao, humbi dy finale të Copa del Rey brenda muajit, pasi që javë më parë zhvilloi edhe finalen e vitit të kaluar ndaj Real Sociedadit, që ishte shtyer nga viti 2020 për këtë vit për shkak të pandemisë.

Në anën tjetër, Ronald Koeman prej se arriti te Barcelona, fitoi trofeun e parë me ekipin, e sa i përket lojës, pas pjesës së parë pa gola, në pjesë të dytë Barça dominoi me lojë dhe prej se u shënua goli i parë, me Frenkie de Jongun briliant dhe të gjithanshëm (shënoi 1 dhe asistoi në 2 gola) Leo Messi u përkujdes për dy golat e fundit të skuadrës në fitore.

Përndryshe, ky është trofeu i 31-të i Barcelonës në Kupën e Mbretit.

NOTAT E LOJTARËVE:

Athletic Club - Simon 7, de Marcos 5, Yeray 6, Martinez 5, Balenziaga 5, Berenguer 4, D. Garcia 3, Lopez 4, Muniain 4, Williams 3, R. Garcia 4. REZ- Vesga 4, Lekue 4, Berchiche 4, Nunez 3, Villalibre 5.
Barcelona - ter Stegen 6, Lenglet 5, Pique 7, Mingueza 7, Alba 8, Dest 7, Pedri 6, Busquets 5, de Jong 8, Messi 9, Griezmann 8. REZ- Roberto 6, Araujo 5, Ilaix 4, Braithwaite 3, Dembele 3.