Britaniku më i paguar në histori

Mesfushori i Arsenalit, uellsiani Aaron Ramsey do të bëhet lojtari më i paguar nga ishulli në histori.

Tashmë është zyrtare se ai ka nënshkruar parakontratë me kampionin e shumëfishtë të Italisë, Juventus, ndërsa rroga e tij do të jetë 450 mijë euro në javë!!!

Bianconerët në vitet e fundit kanë hapur qesen e tyre dhe tashmë po bëjnë gjithçka për tu ngritur në nivelin ekstremisht të lartë të ekipeve dhe me lojtarë të famshëm, ndërsa atë që po e kërkojnë më së shumti [Ligën e Kampionëve] do të tentojnë ta arrijnë këtë, ose më së largu stinorin që vjen.

Ramsey 28 vjeç ka nënshkruar kontratë 4 vjeçare me Juventusin, pas 11 viteve të kaluara te Arsenali.

Mesfushori në llogarinë e tij të instagramit i ka falenderuar tifozëve të Arsenalit dhe ka thënë se do të jep 100%-shin e tij deri në ditën e fundit të tij si lojtar në Emirates.

“Më keni pranuar si mbëdhjetar dhe kam kaluar ulje e ngritje të ndryshme në klub. Nuk e kam lehtë të largohem pas 11 viteve të pabesueshme këtu. Ju falemnderit,” ka shkruar ndër të tjera Ramsey.