CITY - CHELSEA

Turpëron Chelsean, rimerr kreun
10 February, 2019 @18:51
Ajo që duhej të ishte ndeshja më e mirë e javës në Angli, doli të ishte më jo-interesantja.
Skuadra e Manchester Cityt e deklasoi në çdo aspekt skuadrën e Chelseat sot, të cilën e mposhti me rezultat të thellë 6-0, për ta rikthyer kështu ktheun e klasifikimit, por me një ndeshje më tepër të luajtur.
Me hat-trickun e tij të dytë me radhë, Aguero sot barazoi hat-tricket me Alan Shearerin, që të dy tashmë kanë nga 11 3-golësha në Premier League, ndërsa tre golat e tjerë të Cityt u shënuan nga Sterling (2) dhe Gundogan.
Gjithashtu, me hat-trickun e arritur sot, Aguero bëhet vetëm lojtari i pestë në histori që arrin hat-tricke të njëpasnjëshme në Premier League. Herën e fundit këtë e kishte bërë Didier Drogba me Chelsean në gusht të vitit 2010.
Me Cityn që merr kreun e klasifkimit, të paktën momentalisht, Chelsea me këtë disfatë bie nën Unitedin në tabelë.