TRANSFER
Bujar Idrizi te kampioni shqiptar
22 June, 2017 @21:28
Skuadra kampione e Shqipërisë, Kukësi, është përforcuar me mbrojtësin 25 vjeçar të Llapit, Bujar Idrizi.
Idrizi është prezentuar sot si përforcimi i radhës i kuksianëve dhe pritet të jetë në dispozicion të trajnerit Ernest Gjoka qysh në ndeshjen e Ligës së Kampionëve ndaj Sheriffit.
“Jam shumë i lumtur që kam arritur marrëveshjen me ekipin e F.K. Kukësit. Afrimi im me kampionët e Shqipërisë është një hap i madh përpara për mua. E di se ka konkurrencë, por do mundohem të bëj më të mirën për klubin. Besoj se edhe në Champions League do të ecim dhe do të kalojmë ekipin e Sheriff Tiraspolit. Një përshëndetje edhe për tifozët kuksianë,” tha Idrizi gjatë prezentimit të sotshëm.
