CHAMPIONSHIP
Celina shënon në fitoren e Swanseat
2 March, 2019 @18:34
Në fitoren e shënuar me rezultat 2-0 ndaj Boltonit në shtëpi, njërin nga golat e Swanseat e shënoi Bersant Celina.
Prizrenasi Celina u inkuadrua në lojë në minutën e 69’ të ndeshjes, derisa shënoi në minutën e dytë të kohës shtesë, për ta vulosur fitoren e Swanseat sot.
Me fitoren e shënuar sot, Swansea ngritet në kuotën e 47 pikëve, duke qenë kështu larg pozitave të para të tabelës dhe pa gjasa për rikthim në Premier League sezonin e ardhshëm.
Sa i përket Celinës, ky ishte goli i pestë në Championship për të sivjet, derisa ka edhe 4 asistime.
