TOTTENHAM - ARSENAL
Çdo gjë përveç fituesit në derbin e Londrës Veriore!
2 March, 2019 @15:46
Gola, penallti, karton të kuq, ndërhyrje, pritje të portierëve, gabime të gjyqtarit, por jo edhe fitues!
Derbi i Londrës Veriore mes Tottenhamit dhe Arsenalit në ‘Wembley’ u mbyll pa fitues, një rezultat ky që mund të jetë zhgënjyes për të dyjat, por ndoshta edhe më shumë për Arsenalin, skuadër e cila e shpërdoroi një penallti ‘të dyshimtë’ përmes Aubameyangut pak para se të mbyllej ndeshja.
Në anën tjetër, goli i Tottenhamit, i shënuar nga një penallti e shkaktuar nga Mustafi, erdhi gjithashtu nga një pozitë ‘e dyshimtë’ për pozicion jashtë loje.
Rezultati i këtij derbi mund t’i konvenojë Chelseat e Unitedit në luftën për pozitat 3 dhe 4, gjithmonë nëse këto dy të fundit i fitojnë ndeshjet e tyre këtë xhiro.
