Celta ndal Barçën

Barcelona ka pësuar një gol në minutën e 88 të ndeshjes në Balaidos të Vigos, që ia morri fitoren nga dora. 

Ka qenë Borja Oubina që ka shënuar me kokë, pas krosimit të Fabian Orellanas për të barazuar rezultatin në 2-2 dhe për fituar një pikë të paimagjinuar, por të dëshiruar shumë sonte nga ana e ekipit që frymon buzë oqeanit Atlantik. 

Celta në fakt ka qenë në epërsi që nga minuta e 38 e ndeshjes kur Natxo Insa shënoi pas një tollovie në zonën e rrezikshme të Jose Manuel Pintos. Por epërsia e tyre ka qenë e shkurtër, pasi që Lionel Messi asistoi për mrekulli për Cristian Tellon që shënoi për të barazuar në 1-1 në minutën e 44-të të ndeshjes. Ndërsa në pjesën e dytë Tello ia ktheu Messit asistimin, për të shënuar ky i fundit për rezultatin 1-2. 

Me pikën e fituar Celta ka ngritur kuotën në 25 pikë, por ende gjindet në zonën e rrezikshme, derisa Barcelona ka marrë pikën e 76 dhe aktualisht gjindet 15 pikë para Real Madridit. 

LA LIGA, SOT: