CHELSEA - MANCHESTER CITY
Foto: premierleague.com
Chelsea fiton derbin, Liverpool flen në krye
8 December, 2018 @20:40
Humbja e parë e Manchester Cityt këtë stinor ka ardhur nga Chelsea dhe kjo ka mjaftuar që ekipi i Pep Guardiolës të humb kreun e Premier Ligës.
Aty, do të qëndrojë Liverpool i Jurgen Klopp e Xherdan Shaqirit, së paku deri në xhiron e radhës.
Chelsea ka shënuar fitore 2-0 ndaj Cityt, me anë të golave të Ngolo Kantes (45’) dhe David Luizit (78’) - që të dyja të asistuara nga dhjetëshja magjike e Stamford Bridge‘it, Eden Hazard.
Chelsea me këtë fitore kërcen në 34 pikë, ndërsa City mbetet në 41, një më pak se Liverpooli lider, që tashmë është ekipi i vetëm pa humbje këtë stinor në Premier Ligë.
Portieri i Kosovës, Arijanet Muriç, ka qëndruar përgjatë gjithë ndeshjes në bankën rezervë të Cityt.
