CHELSEA - LIVERPOOL
Chelsea mposht Liverpool, ‘nxehet’ gara për top4
6 May, 2018 @19:38
Nxehet gara për top4 në Angli!
Humbja e Tottenhamit dje dhe fitorja e sotme e Chelseat ndaj Liverpoolit e kanë hapur fuqishëm këtë garë, pasi që të trija skuadrat e përmendura tashmë po luftojnë për vendet 3 dhe 4.
Nga dy ndeshje të mbetura kanë Tottenhami e Chelsea, kurse Liverpooli ka vetëm edhe një ndeshje të mbetur, ndaj Brightonit në shtëpi.
Kuptohet, fatin për vete e ka në dorë Liverpooli, të cilit i duhet fitore në ndeshjen e fundit në shtëpi për ta siguruar një vend në top4, ndërsa e njëjta vlen edhe për Tottenhamin, pasi që edhe për londinezo-veriorët gjithçka varet nga ta. Pak më e komplikuar është situata për Chelsean, që varet nga gabimet e kundërshtarëve, edhe nëse i fiton ndeshjen e veta.
