Drita me hapa të sigurta drejt titullit

Skuadra e Dritës ka dominuar gjatë tërë ndeshjes së sotme ndaj Lirisë, ka krijuar dhe më fund edhe ka shënuar për të realizuar fitoren e radhës, dhe për t’iu afruar edhe më titullit kampion.

Drita ka mposhtur Lirinë 3-0, ndërsa mbrojtja e Lirisë i ka bërë ballë gjilanasve për 53 minuta lojë, përmes Edvin Bakajt të shkëlqyeshëm në portë.

E në atë moment, Leotrim Kryeziu del para Bakajt për ta mposhtur për herë të parë dhe për ta liruar Dritën nga presioni.

TABELA AKTUALE

Ky gol, ia hapi rrugën pastaj lojës edhe më të lirë Dritës, të cilët deri në fund i shpërblyen adhuruesit në shi, me dy gola tjerë, të shënuar nga Përparim Livoreka dhe Haxhi Neziraj.

Drita, 2 xhiro para fundit të kampionatit është lider, me 3 pikë më shumë se Prishtina ndjekëse e vetme e saj.