Chelsea në pozitën e tretë

Chelsea ka shënuar fitore shumë të rëndësishme në ndeshjen kundër Sunderlandit, të cilën e mposhti me rezultat 2-1.

Në këtë përballje u shënuan dy autogola. Së pari mbrojtësi i Chelseat, Cesar Azpilicueta (45’), e gaboi portë për epërsinë 0-1 të Sunderlandit, ndërsa më pas Matthew Kilgallon (47’) po ashtu shënoi në portë të gabuar për ta barazuar rezultatin në 1-1.

Ndryshe nga këta dy, serbi Branislav Ivanovic, u tregua më syçelë pasi e gjeti portën e duhur për të shënuar në minutën 55’ dhe për t’ia siguruar fitoren ekipit të tij.

Kjo ishte ndeshja e parë e Sunderlandit nën drejtimin e trajnerit italian, Paolo Di Canio, i cili e morri detyrën e kryetrajnerit ditë më parë.

Chelsea falë kësaj fitoreje dhe barazimit të Tottenhamit me Evertonin, tani është ngritur në pozitën e tretë në tabelë me 58 pikë të tubuara, aq sa ka edhe Tottenhami.

Tabela aktuale në Premier League

REZULTATI