GRUPET E DHE F
City feston kualifikimin në Itali, Liverpooli e Sevilla kryejnë detyrat
1 November, 2017 @22:40
Ashtu si në ndeshjen e parë mes tyre në ‘Etihad’, edhe sonte Napoli dhe Manchester City dhuruan spektakël, me duelin që përfundoi me 6 gola të shënuara, ndërsa në fund fitores iu gëzuan mysafirët, të cilët tashmë kanë 12 pikë pas 4 ndeshjeve dhe shkojnë qetë drejt fazës tjetër në UEFA Champions League, me kualifikimin e siguruar që sonte.
Në anën tjetër, kjo humbje ia komplikon Napolit punët për arritjen e vendit të dytë, kur shihet që për ta arritur këtë gjë italianët duhet të fitojnë të dyja takimet e mbetura, duke përfshirë këtu edhe duelin ndaj Shakhtarit, rivalit direkt, i cili e kishte mposhtur 2-1 në ndeshjen e parë Napolin.
Në grupin F, Liverpooli e Sevilla shënuan fitore në ndeshjet përkatëse, duke vazhduar të jenë skuadrat favorite për kalimin e grupit.
