Çka ndryshoi në listën e Bunjakit?

Kosova në ndeshjet kundër Turqisë dhe Senegalit do të dal me mungesa shumë të mëdha. Tetë futbollistë nga lista e fundit që ishte për ndeshjen kundër Haitit, nuk janë përfshirë në listën për dy miqësoret e radhës, ndërsa pesë prej këtyre tetë futbollistëve ishin titullarë në ndeshjen e parë historike të Kosovës.

Shtylla e mbrojtjes e përbërë nga Avni Pepa dhe Loret Sadiku, njëri prej mesfushorëve më me përvojë, Ardian Gashi, si dhe dy nga sulmuesit më në formë, Ilir Azemi dhe Shpëtim Hasani, janë titullarët e ndeshjes kundër Haitit që nuk janë në listën e sotme të përzgjedhësit Bunjaki, ndërsa këtyre iu bashkuan edhe Zymer Bytyqi, Flamur Kastrati dhe Bersant Celina.

Arsyet kryesore të mungesës së këtyre futbollistëve janë problemet me lëndime dhe angazhimet e tyre me klubet përkatëse për shkak se datat kur do të luhen ndeshjet kundër Turqisë dhe Senegalit nuk janë data të lira nga FIFA.

Lojtari më i rëndësishëm nga emrat e rinjë në listën e Bunjakit është padyshim Debatik Curri. Kjo për shkak të përvojës ndërkombëtare të ish reprezentuesit të Shqipërisë dhe pozitës të cilën ai e luan, pasi që Bunjaki më së shumti ‘kokëdhimbje’ kishte për pozitën e mbrojtjes.

Ndër emrat e tjerë të rinjë janë edhe Mehmet Hetemaj, Dardan Rexhepi e Mentor Zhdrella, pastaj dyshja nga Kategoria Superiore, Yll Hoxha dhe Bajram Jashanica, si dhe futbollistët e rinjë dhe të talentuar si Eroll Zejnullahu, Albion Avdijaj dhe Imran Bunjaku.

Futbollistët të cilët kanë qenë në listën e fundit, por tani nuk janë:

Emrat e rinj në listën e Kosovës: