KOKE I ATLETICOS
Koke, duke festuar me David Villën, stinorin që shkoi
Cristiano apo Messi?!
9 October, 2014 @0:30
Koke, mesfushori i ri i Atletico Madridit, ka bërë bujë mbrëmë në Spanjë dhe më gjërë kur ka dhënë përgjigje lidhur me pyetjen se kush është futbollist më i mirë: Cristiano Ronaldo apo Lionel Messi.
“Ronaldo është atlet fenomenal, por Messi është zot,” ka thënë Koke për Al Primer Toque.
“Të dy janë futbollist të mëdhenjë. I shoh në fushë, ata janë spektakularë. Vështirë është të vendosësh, gjithmonë e do njërin nga ata ta kesh në ekip. Por unë do të zgjidhja Messin,” ka shtuar ai.
Dyshja Cristiano Ronaldo dhe Lionel Messi janë shpeshherë temë e diskutimeve se cili është më i miri i botës aktualisht.
Ylli i Real Madridit dhe ai i Barcelonës së bashku kanë fituar 6 Topat e fundit të Artë.
Superioriteti i tyre nuk vihet në dyshim ndaj futbollistëve tjerë të së sotmes.
